He Kaupapa Māori anō
Te Rua o Tūheitia
“Tutū kau ngā puru kahikatea ka tū ki Oomaero. Oreore kau ngā kākaho ki te kaharoa”
He rōpū tēnei nā Ngā Taiātea Wharekura hei hāpai ake i ngā kaupapa ā te Kīngitanga. He mea whakangngu i ngā rei o Ngā Taiātea, e whai reo ai a Ngā Kākaho. He mea whakarite i ngā tauira hei hāpai i te āpōpō o ngā pae kōrero me ngā pae karanga o Tainui waka, otirā ngā marae maha o ngā tauira o te kura. Ko te whakaaro ia kia kaha tautoko i ngā kaupapa pērā ki ngā riri whenua. I tae atu tēnei kāhui ki te tautoko i te tūwheratanga o maiorooro ki Rangiriri. Ko ngā kaupapa pērā ki ngā poukai, te Rīketa me te Koroneihana anō hoki. Ko ngā tikanga tuku iho kei te tāhuhu o te whare, ko ngā pou o roto ko te reo Māori, ko te whakaiti, ko te manaakitanga.
E ea ai te whakataukī ake, Te Rua o Tūheitia, he rei kei roto.
Rauna Te Kī
“Uenuku – Okara e rongo te iwi kua rauna te kī”
I tēnei tau whakarewaina ai ngā kara o te Kīngi ki tō tātou wharekura, hei tohu mana motuhake, hei tohu whakapono ki ngā tikanga Tainui, arā, ko te Kīngitanga.
Ko te pūtake o tēnei mahi, he whakaohomauri, he tuku iho i ngā kawa o te pourewa haki ki ngā mangainga whakaheke o Taiātea, kia mau, kia ū, kia ita.
‘E Rangi, e. Piki atu koe ki tō taumata, hei tohu mana mō te iwi.’
